Við höfum búið til lítinn leik sem kallast Tengja-4 — innblásin af vinsælu Connections-þrautinni hjá New York Times, en sérsniðin fyrir íslenska kennara.
Hvernig virkar þetta?
Hugmyndin er einföld. Kennarinn býr til þraut með 16 orðum sem skiptast í 4 flokka. Hvert orð tilheyrir einum flokki og kennarinn skrifar stuttan texta sem útskýrir tenginguna á milli orðanna.
Nemendur fá svo kóða eða QR-kóða og opna þrautina í vafranum — ekkert app, engin innskráning. Þeir sjá 16 orð í handahófsröð og þurfa að finna hvaða fjögur orð tilheyra sama flokki. Þeir fá fjórar tilraunir.
Af hverju?
Við vorum að leita að skemmtilegri leið til að æfa orðaforða og hugtök í kennslunni. Connections-þrautir ganga út á að sjá tengingar á milli orða — og það er nákvæmlega sú hugsun sem við viljum æfa hjá nemendum.
Í stað þess að nota einhvern erlendan hugbúnað ákvaðum við bara að smíða tólið sjálfir. Þannig verður viðmótið á íslensku og við haft fulla stjórn á upplifuninni ásamt breytingum í framtíðinni.
Hvernig nýtist þetta í kennslu?
Nokkur dæmi:
– Orðaforðaæfing — flokkaðu orð eftir orðflokkum, samheitum eða þemum
– Söguæfing — tengdu saman persónur, atburði, ártöl og staði
– Náttúrufræði — flokkaðu dýr, plöntur eða efnafræðileg hugtök
– Stærðfræði — orð sem tengjast sömu aðgerð eða hugmynd
Kennarinn getur búið til nýja þraut á nokkrum mínútum og deilt henni strax með nemendum.
Prófaðu sjálf/ur
Leikurinn er opinn og ókeypis á tengja4.kunnatta.is. Kennarar búa til þrautir á forsíðunni og nemendur slá inn kóðann sinn á tengja4.kunnatta.is/spila.
Ef þú ert kennari og prófar þetta — endilega sendu okkur línu og segðu til hvernig gekk!